പേരയം
ഗ്രാമ പഞ്ചായത്ത്

1. പേരയം ഗ്രാമ പഞ്ചായത്തിന്റെ 2025 മാര്‍ച്ച് 31-ന് അവസാനിച്ച വര്‍ഷത്തെ റസീപ്റ്റ് & പേയ്‍മെന്റ് സ്റ്റേറ്റ്മെന്റ്, ഇന്‍കം&എക്സ്പെന്‍ഡിച്ചര്‍‍ അക്കൗണ്ട് എന്നിവയും, 31.03.2025 തീയതി പ്രകാരമുള്ള ആസ്തി ബാധ്യതാ സ്റ്റേറ്റ്മെന്റും ഉള്‍പ്പെടുന്ന ധനകാര്യ പത്രികകളും, പ്രസ്തുത ധനകാര്യ പത്രികകള്‍ക്ക് അനുബന്ധമായി ഉള്‍പ്പെടുത്തിയിട്ടുള്ള ഫോറങ്ങളും, ഭരണസമിതിയുടെ 21/6/25ലെ 1-ാം നമ്പര്‍ തീരുമാനം പ്രകാരം അംഗീകരിച്ച് 26/6/25 ല്‍ എയിംസിലൂടെ സമര്‍പ്പിച്ചിട്ടുണ്ട്. പ്രസ്തുത വാര്‍ഷിക ധനകാര്യ പത്രികകളും, അനുബന്ധ ഫോറങ്ങളും ഇവ വെളിപ്പെടുത്തുന്ന സാമ്പത്തിക നിലയും 1994 ലെ കേരള പഞ്ചായത്ത് രാജ് നിയമം വകുപ്പ് 215(4), 2011 ലെ കേരള പഞ്ചായത്ത് രാജ് (അക്കൗണ്ട്സ്) ചട്ടങ്ങള്‍, കേരള സംസ്ഥാന ഓഡിറ്റ് വകുപ്പിന് ബാധകമായ ഓഡിറ്റ് മാന്വല്‍ അദ്ധ്യായം 4.2.1, 11.3 എന്നിവയിലെ വ്യവസ്ഥകള്‍ പ്രകാരവും കേന്ദ്ര/സംസ്ഥാന സര്‍ക്കാര്‍ മാര്‍ഗ്ഗ നിര്‍ദ്ദേശങ്ങള്‍, ധനകാര്യ കമ്മീഷന്‍, മറ്റ് ഫണ്ടിങ്ങ് ഏജന്‍സികള്‍ എന്നിവ കാലാകാലങ്ങളില്‍ പുറപ്പെടുവിക്കുന്ന മാര്‍ഗ്ഗനിര്‍ദ്ദേശങ്ങള്‍ എന്നിവ പാലിച്ചും ഞാന്‍ ഓഡിറ്റിന് വിധേയമാക്കിയിട്ടുണ്ട്. ഈ അക്കൗണ്ടുകൾ തയ്യാറാക്കുന്നത് പഞ്ചായത്ത് രാജ് സ്ഥാപന മാനേജ്മെന്റിന്റെ ഉത്തരവാദിത്തമാണ്. ഫിനാൻഷ്യൽ ഓഡിറ്റിനെ അടിസ്ഥാനമാക്കി ഈ അക്കൗണ്ടുകളെ കുറിച്ച് അഭിപ്രായം പ്രകടിപ്പിക്കുക എന്നതാണ് എന്റെ ഉത്തരവാദിത്തം.

2. സി.&എ.ജി.ഓഫ് ഇന്ത്യ പുറപ്പെടുവിച്ചിട്ടുള്ള ഓഡിറ്റിംഗ് സ്റ്റാൻഡേർഡുകൾ, പഞ്ചായത്ത് രാജ് സ്ഥാപനങ്ങളുടെ ഫിനാൻഷ്യൽ ഓഡിറ്റിന് വേണ്ടിയുള്ള മാർഗ്ഗനിർദ്ദേശങ്ങൾ എന്നിവ അനുസരിച്ചാണ് വാര്‍ഷിക ധനകാര്യപത്രികകളിന്മേല്‍ ഞാൻ ഫിനാൻഷ്യൽ ഓഡിറ്റ് നടത്തിയത്. വാര്‍ഷിക ധനകാര്യപത്രികകള്‍ വസ്തുതാപരമായ തെറ്റുകളിൽ നിന്ന് മുക്തമാണോ എന്ന് ന്യായമായ ഉറപ്പ് ലഭിക്കുന്നതിന് ഞാന്‍ ഓഡിറ്റ് ആസൂത്രണം ചെയ്ത് നടപ്പിലാക്കേണ്ടതുണ്ട് എന്ന് ഈ മാനദണ്ഡങ്ങൾ/മാർഗ്ഗനിർദ്ദേശങ്ങൾ ആവശ്യപ്പെടുന്നു. വാര്‍ഷിക ധനകാര്യപത്രികകള്‍ വെളിപ്പെടുത്തുന്ന തുകകളെ പിന്തുണയ്ക്കുന്ന തെളിവുകളുടെ പരിശോധന ഓഡിറ്റിൽ ഉള്‍പ്പെടുന്നു. കൂടാതെ പഞ്ചായത്ത് രാജ് സ്ഥാപനം പാലിച്ചിട്ടുള്ള അക്കൗണ്ടിങ്ങ് തത്വങ്ങളും തയ്യാറാക്കപ്പെട്ട സുപ്രധാനമായ എസ്റ്റിമേറ്റുകളും വിലയിരുത്തുന്നതും അക്കൗണ്ടുകളുടെ മൊത്തത്തിലുള്ള അവതരണം വിലയിരുത്തുന്നതും ഓഡിറ്റിൽ ഉൾപ്പെടുന്നു. എന്റെ അഭിപ്രായത്തിന് ന്യായമായ അടിസ്ഥാനം എന്റെ ഓ‍ഡ‍ിറ്റ് റിപ്പോര്‍ട്ട് നൽകുമെന്ന് ഞാൻ വിശ്വസിക്കുന്നു.

3. എനിക്ക് ആവശ്യമായതും ലഭിച്ചതുമായ വിവരങ്ങളുടെയും വിശദീകരണങ്ങളുടെയും അടിസ്ഥാനത്തിലും അക്കൗണ്ടുകളുടെ ഫിനാൻഷ്യൽ ഓഡിറ്റിന്റെ ഫലമായി എനിക്ക് ലഭിച്ച ഏറ്റവും വിശ്വസനീയമായ വിവരങ്ങളുടെയും സ്ഥാപനം ലഭ്യമാക്കിയ വിശദീകരണങ്ങളുടെയും അടിസ്ഥാനത്തിലും അനുബന്ധ റിപ്പോർട്ടിലെ എന്റെ നിരീക്ഷണങ്ങൾക്ക് വിധേയമായി ഞാന്‍ ഇപ്രകാരം സാക്ഷ്യപ്പെടുത്തുന്നു.

വിശേഷണങ്ങളോട് കൂടിയ അഭിപ്രായം

അനുബന്ധ റിപ്പോർട്ടിലെ യോഗ്യമായ അഭിപ്രായത്തിന്റെ അടിസ്ഥാനത്തില്‍ അതില്‍ വിവരിച്ചിരിക്കുന്ന കാര്യങ്ങള്‍ ഒഴികെ, അതിലെ മറ്റ് നിരീക്ഷണങ്ങൾക്ക് വിധേയമായി, പേരയം ഗ്രാമപഞ്ചായത്തിന്റെ 2024-25 സാമ്പത്തിക വര്‍ഷത്തേയ്ക്കുള്ള വാർഷിക ധനകാര്യപത്രികകള്‍ 31.03.2025-ല്‍ അവസാനിച്ച സാമ്പത്തിക വര്‍ഷത്തെ സാമ്പത്തിക ഇടപാടുകളുടെയും 31.03.2025-ല്‍ സാമ്പത്തിക നിലയുടെയും സത്യസന്ധവും ന്യായവുമായ ചിത്രം നല്‍കുന്നു.


സ്ഥലം:കൊല്ലം
തീയതി:12.09.2025

ഡെപ്യൂട്ടി ഡയറക്ടര്‍ കേരള സംസ്ഥാന ഓഡിറ്റ് വകുപ്പ്, ജില്ലാ ഓഡിറ്റ് കാര്യാലയം,കൊല്ലം.
 

തനത്ഫണ്ട്-31/3/25ലെ reconciliation statement-ല്‍ cheque deposited but not cleared എന്നയിനത്തില്‍ 31/7/23 ലെ ചെക്ക് നം-14502 പ്രകാരം 1,409/-രൂപ credit ആകാതെ നിലനില്‍ക്കുന്നതിന്റെയും cfc union bank acct reconciliation statement-ല്‍ cheque issued but not presented into bank ഇനത്തില്‍ കാണിച്ച 4/12/2024-ലെ 87,222/-രൂപയുടെയും വിശദാംശങ്ങള്‍ ലഭ്യമാക്കിയില്ല.

ഓഡിറ്റ് വര്‍ഷം അംഗീകാരം ലഭിച്ച പ്രോജക്ടുകള്‍ നടപ്പാക്കിയതിന്റെ വിവരം താഴെ ചേര്‍ക്കുന്നു.

തന്‍വര്‍ഷം ഗ്രാമപഞ്ചായത്ത് നടപ്പാക്കിയ വിവിധ ക്ഷേമ പദ്ധതികളടെ വിശദാംശങ്ങള്‍ താഴെ കൊടുക്കുന്നു.

1994-ലെ ലോക്കല്‍ ഫണ്ട് ഓഡിറ്റ് ആക്ടിലെ 6(4)-ാം വകുപ്പ് പ്രകാരമുള്ള ക്യാഷ് ബാലന്‍സ് പരിശോധന 28.07.25, 03.45 PM ന് ഉത്തരവാദിത്തപ്പെട്ട ഉദ്യോഗസ്ഥന്റെ സാന്നിദ്ധ്യത്തില്‍ നടത്തുകയുണ്ടായി. പരിശോധനയില്‍ അന്നേ ദിവസത്തെ ഡേ ബുക്ക് പ്രകാരം ഒടുക്ക് വരുത്തിയ 1,249/- രൂപയുടെ ക്യാഷ് ബാലന്‍സിന്റെ കൃത്യത ‍ ബോദ്ധ്യപ്പെട്ടു.

ഗ്രാമപഞ്ചായത്തിന്റെ ആഭ്യന്തര നിയന്ത്രണ സംവിധാനം പൊതുവില്‍ തൃപ്തികരമാണ്. ജോലി വിഭജനം കൃത്യമായി തയ്യാറാക്കുന്നതിലും ഓഫീസ് ഉത്തരവുകള്‍ നടപ്പിലാക്കുന്നതിലും മികവു പുലര്‍ത്തിയിട്ടുണ്ട്. നികുതി, നികുതിയേതര വരവുകള്‍ പിരിച്ചെടുക്കുന്നതില്‍ മികച്ച പ്രവര്‍ത്തനം കാഴ്ച വയ്ക്കാന്‍ ശ്രമിച്ചിട്ടുണ്ട്. ബാങ്ക്, ട്രഷറി അക്കൗണ്ടുകളുടെ പ്രതിമാസ റെക്കണ്‍സിലേഷന്‍ തയ്യാറാക്കി സാക്ഷ്യപ്പെടുത്തിയിട്ടില്ല. പദ്ധതി നിര്‍വ്വഹണം കാര്യക്ഷമമായി നടപ്പിലാക്കുന്നതില്‍ നിര്‍വ്വഹണ ഉദ്യോഗസ്ഥര്‍ പരിശ്രമം നടത്തിയിട്ടുണ്ടങ്കിലും പദ്ധതികളുടെ മോണിട്ടറിംഗ് നടത്തുന്നതില്‍ വര്‍ക്കിംഗ് ഗ്രൂപ്പുകള്‍ അവരുടെ ഉത്തരവാദിത്വം നിര്‍വ്വഹിച്ചിട്ടില്ല. വര്‍ക്കിംഗ് ഗ്രൂപ്പ് യോഗങ്ങളുടെ മിനിട്സ് അപൂര്‍ണ്ണമാണ്. ഭരണ സമിതി യോഗങ്ങളുടെ മിനിട്സ് അംഗീകരിച്ച് അന്തിമമാക്കുന്നതില്‍ ചട്ടങ്ങളില്‍ പരാമര്‍ശിച്ചിട്ടുളള സമയ പരിധി പാലിച്ചിട്ടില്ല. തൊഴിലുറപ്പ് പദ്ധതിയിലൂടെ ആസ്തികള്‍ സൃഷ്ടിക്കുന്ന പദ്ധതികള്‍ ആവിഷ്കരിച്ചു നടപ്പിലാക്കുവാന്‍ സാധിച്ചിട്ടില്ല.

.
 

രസീത് ബുക്കിന്റെ സ്റ്റോക്ക് രജിസ്റ്റര്‍ പരിശോധിച്ചതില്‍ 12.11.2024-ല്‍ 30556, 30559 നം രസീത് ബുക്കുകള്‍ യഥാക്രമം അരുണ്‍.ടി.എസ്, ഷബ്‌ന എന്നിവര്‍ക്ക് നികുതി പിരിച്ചെടുക്കുന്നതിനായി ഇഷ്യു ചെയ്തിട്ടുണ്ട്. എന്നാല്‍ ഈ ബുക്കുകളില്‍ ഒരു പേജ് പോലും നാളിതുവരെ ഉപയോഗിച്ചിട്ടില്ല. സാമ്പത്തിക വര്‍ഷാവസാനം ഇവ സ്റ്റോക്ക് ബാലന്‍സില്‍ ഉള്‍പ്പെടുത്തിയിട്ടുമില്ല.

ഗ്രാമ പഞ്ചായത്ത് സെക്രട്ടറിയുടെ 01.10.2024 തീയതിയിലെ 15/2024-25 നം. ഓഫീസ് ഉത്തരവ് പ്രകാരം ഉദ്യോഗസ്ഥര്‍ക്ക് വാര്‍ഡുകളില്‍ വസ്തുനികുതി പിരിക്കുന്നതിനുള്ള ചുമതല നല്‍കിയിട്ടുണ്ട്. 14.11.2024 തീയതിയിലെ 23/2024-25 നം. ഓഫീസ് ഓര്‍ഡര്‍ പ്രകാരം ഓരോ ഉദ്യോഗസ്ഥര്‍ക്കും ടാര്‍ജറ്റ് തുക നിശ്ചയിച്ചു നല്‍കുകയും ചെയ്തിട്ടുണ്ട്. ആയത് പ്രകാരമുള്ള വാര്‍ഡിന്റേയും ടാര്‍ജറ്റ് തുകയുടേയും വിവരങ്ങള്‍ ചുവടെ ചേര്‍ക്കുന്നു.

ഓഫീസ് ഉത്തരവ് പ്രകാരം ഉദ്യോഗസ്ഥര്‍ക്ക് വാര്‍ഡുകളില്‍ നിന്നും വസ്തുനികുതി പിരിക്കുന്നതിനുള്ള ചുമതല നല്‍കുകയും, ‍ രസീത് ബുക്ക് ഇഷ്യു ചെയ്യുകയും ചെയ്തിട്ടും രസീത് ബുക്കുകള്‍ ഉപയോഗിക്കാതിരുന്നതിന്റെ വിശദീകരണവും, ഈ ജീവനക്കാര്‍ പിരിച്ചെടുത്ത നികുതി തുകയുടെ വിശദാംശങ്ങളും ലഭ്യമാക്കാന്‍ ആവശ്യപ്പെട്ടു നല്‍കിയ ഓഡിറ്റ് എന്‍ക്വയറികള്‍ക്ക്, (19/28.07.2025, 36/31.07.2025) 100% നികുതി പിരിവിന്റെ ഭാഗമായി നികുതി ദാതാക്കളെ നേരിട്ടും ഫോണ്‍മുഖേനയും നികുതി ഒടുക്കാനുള്ള വിവരം അറിയിച്ച് പിന്നീടുള്ള ദിവസങ്ങളില്‍ ഫ്രണ്ട് ഓഫീസ് മുഖേനയോ ഓണ്‍ലൈന്‍ സംവിധാനം മുഖേനയോ നികുതി ഒടുക്കുവരുത്തുന്ന രീതിയാണ് കൂടുതലും അവലംബിച്ചിട്ടുള്ളതെന്നും ആയതിനാല്‍ മാനുവല്‍ രസീത് ഈ ഉദ്യോഗസ്ഥര്‍ക്ക് ഉപയോഗിക്കേണ്ടി വന്നിട്ടില്ല എന്നുമാണ് അറിയിച്ചിട്ടുള്ളത്. ഉപയോഗിക്കേണ്ടിവന്നിട്ടില്ലാത്ത രസീതു ബുക്കുകള്‍ സാമ്പത്തിക വര്‍ഷാവസാനം എല്ലാ പേജുകളും ക്യാന്‍സല്‍ചെയ്ത് തിരികെ രസീതു ബുക്കുകളുടെ സ്റ്റോക്ക് ചുമതലയുള്ള ഉദ്യോഗസ്ഥനെ ഏല്‍പിക്കുകയും ടി ബുക്കുകളുടെ രസീത് നമ്പരുകള്‍ ILGMS ല്‍ ക്ലോസ് ചെയ്യുകയും ചെയ്യണമായിരുന്നു. ILGMS ല്‍ ക്ലോസ് ചെയ്തിട്ടുണ്ടോ എന്നത് സംബന്ധിച്ച് കൂടുതല്‍ പരിശോധന ആവശ്യമാണ്. മാന്വല്‍ ആയി രസീതുകള്‍ ക്യാന്‍സല്‍ ചെയ്തിട്ടില്ല.

ഗ്രാമ പഞ്ചായത്തിന്റെ 2024-25 വര്‍ഷത്തെ ‍ വാര്‍ഡ് II, XIII, XIV, XII എന്നീ വാര്‍ഡുകളിലെ വസ്തു നികുതി കളക്ഷന്റെ സഞ്ചയയില്‍ നിന്നുള്ള വിവരങ്ങള്‍ ഓഡിറ്റിന് ഹാജരാക്കിയിട്ടുണ്ട്. ഇവയില്‍ ഭൂരിഭാഗം തുകകളും 14.11.2024-ന് ശേഷം ഒടുക്കിയിട്ടുള്ളവയാണ്. എന്നാല്‍ 14.11.2024 തീയതിയിലെ 23/2024-25 നം ഓഫീസ് ഉത്തരവിന്റെ അടിസ്ഥാനത്തില്‍ 14.11.2024 മുതല്‍ പിരിച്ചെടുത്ത തുകകളുടെ കൃത്യത രേഖാമൂലം ഓഡിറ്റിനെ ബോധ്യപ്പെടുത്തിയിട്ടില്ല. ഉദ്യോഗസ്ഥര്‍ക്ക് നല്‍കിയ മാന്വല്‍ രസീതുബുക്കുകള്‍ അതാത് സാമ്പത്തിക വര്‍ഷം ഉപയോഗിക്കാത്തതിനാല്‍ അവ ക്യാന്‍സല്‍ചെയ്ത് തിരികെ രസീതു ബുക്കുകളുടെ സ്റ്റോക്ക് ചുമതലയുള്ള ഉദ്യോഗസ്ഥനെ ഏല്‍പിക്കുന്ന നടപടിക്രമം പാലിച്ചിട്ടില്ല. കൂടാതെ ഉപയോഗിക്കാത്ത രസീത് നമ്പരുകള്‍ ILGMS ല്‍ ക്ലോസ് ചെയ്യുന്നതില്‍ അവ്യക്തത നിലനില്‍ക്കുകയും ചെയ്യുന്നു. പ്രസ്തുത അപാകതകള്‍ സംബന്ധിച്ച് വിശദീകരണം ലഭ്യമാക്കേണ്ടതാണ്.
ഓഡിറ്റ് എന്‍ക്വയറി നം. 19/28.07.2025, 36/31.07.2025

ഷോപ്പിംഗ് കോപ്ലക്സ് വാടക രജിസ്റ്റര്‍, ഫയല്‍ എന്നിവ പ്രകാരം പഞ്ചായത്തിന്റെ അധീനതയിലുള്ള 12 കടമുറികളില്‍ 2 എണ്ണത്തിന്റെ വാടകയില്‍ കുടിശ്ശിക നിലനില്‍ക്കുന്നു. ഇവയ്ക്ക് RR നടപടികള്‍ സ്വീകരിച്ചിട്ടുള്ളതായും കാണുന്നു. കുടിശ്ശിക, നിലവിലെ സ്ഥിതിവിവരം എന്നിവ ലഭ്യമാക്കാന്‍ ആവശ്യപ്പെട്ടു നല്‍കിയ ഓഡിറ്റ് എന്‍ക്വയറിക്ക് RR നോട്ടീസ് നല്‍കിയതിന്റെ അടിസ്ഥാനത്തില്‍ ഭാഗികമായി തുക ഒടുക്കിയിട്ടുണ്ടെന്നും, ശേഷിക്കുന്ന തുക ഈടാക്കാനുള്ള നടപടികള്‍ സ്വീകരിച്ചിട്ടുണ്ടെന്നും മറുപടി നല്‍കിയിട്ടുണ്ട്. നിലവിലെ കുടിശ്ശിക വിവരങ്ങള്‍ ചുവടെ ചേര്‍ക്കുന്നു.

കുടിശ്ശിക തുക ഈടാക്കി രേഖകള്‍ ഓഡിറ്റിന് ഹാജരാക്കേണ്ടതാണ്.
ഓഡിറ്റ് എന്‍ക്വയറി നം.25/28.07.2025

കേരള മൈനര്‍ മിനറല്‍ കണ്‍സഷന്‍ ചട്ടം 2015-ലെ ( 31/03/2023 ലെ സ.ഉ (അച്ചടി) നം 38/2023 ഐഡി പ്രകാരമുളള ഭേദഗതി) ചട്ടം 14 (4) പ്രകാരം 278.7 m2 (3000 ച. അടി) താഴെ കെട്ടിട വിസ്തീര്‍ണ്ണമുളള കെട്ടിടനിര്‍മ്മാണത്തിനായി തദ്ദേശസ്വയംഭരണ സ്ഥാപനത്തില്‍ നിന്നും പെര്‍മിറ്റ് ലഭിച്ച വ്യക്തിക്ക് നിര്‍മ്മാണത്തിന്റെ ഭാഗമായി സൈറ്റില്‍ നിന്നും മണ്ണ് നീക്കം ചെയ്യേണ്ട സാഹചര്യത്തില്‍, നീക്കം ചെയ്യുവാന്‍ അനുമതി നല്‍കിയ മണ്ണിന്റെ അളവ് പ്രകാരമുളള റോയല്‍റ്റി പെര്‍മിറ്റ് ഉടമ ട്രഷറിയില്‍ ഒടുക്ക് വരുത്തി ചെല്ലാന്‍ ഹാജരാക്കൂന്ന മുറയ്ക്ക് Form S ലെ മൂവ്മെന്റ് പെര്‍മിറ്റും Form O(A) ലെ മിനറല്‍ ട്രാന്‍സിറ്റ് പാസ്സൂം അനുവദിക്കുന്നതിനുളള അധികാരം തദ്ദേശസ്വയംഭരണ സ്ഥാപന സെക്രട്ടറിയില്‍ നിക്ഷിപ്തമാണ്. ഇപ്രകാരം മിനറല്‍ ട്രാന്‍സിറ്റ് പാസ്സ് ലഭിച്ച ഉടമ മിനറല്‍ ട്രാന്‍സിറ്റ് പെര്‍മിറ്റ് ലഭിച്ച് ഒരു വര്‍ഷത്തിനുളളില്‍ നിര്‍മ്മിക്കാന്‍ ഉദ്ദേശിക്കുന്ന കെട്ടിടത്തിന്റെ ബേസ്മെന്റ് നിര്‍മ്മിച്ചില്ലെങ്കില്‍ കേരള മൈനര്‍ മിനറല്‍ കണ്‍സഷന്‍ ചട്ടം 14(7) പ്രകാരം റോയല്‍റ്റി ഫീസിന്റെ അഞ്ചിരട്ടി പിഴയായി ഒടുക്കണം. കൂടാതെ അനുവദിച്ചതിനേക്കാള്‍ കൂടുതല്‍ മണ്ണ് എടുക്കുകയും ചെയ്താല്‍ കേരള മൈനര്‍ മിനറല്‍ കണ്‍സഷന്‍ ചട്ടം 14(8) പ്രകാരം അധികമായി എടുക്കുന്ന മണ്ണിന്റെ റോയല്‍റ്റി ഫീസിന്റെ അഞ്ചിരട്ടി പിഴയായി പെര്‍മിറ്റ് ഉടമ ഒടുക്കണം.
ശ്രീമതി.അമ്പിളി, ചൊക്കന്‍കുഴി പുത്തന്‍വീട്, പേരയം എന്ന വ്യക്തിക്ക്, പേരയംവില്ലേജിലെ 46,/11,46/11-2 റീസർവ്വേ നമ്പറിൽ പെട്ട 206.40 ച. മീ പുരയിടത്തില്‍നിന്നും 505.68 m3 മണ്ണ് നീക്കം ചെയ്ത് 108ച.മീ വാസഗൃഹം നിർമ്മിക്കുന്നതിന് എസ്.സി 3-773/24 തീയതി26.3.24 മൂവ്മെന്റ് പെർമിറ്റ് പ്രകാരം 220 മിനറല്‍ ട്രാന്സിറ്റ് പാസ്സുകള്‍ (SC2-773/24 തീ.26.3.24)നല്‍കിയിട്ടുണ്ട്. (1.4.24 മുതല്‍ 6.4.24 വരെ, 8.4.24മുതല്‍ 9.4.24വരെ, 11.4.24 മുതല്‍ 12.4.24വരെ). മണ്ണിന്റെ അളവ് പ്രകാരമുളള റോയല്‍റ്റി 40,455/-രൂപ KL037166348202324M തീയതി 25.3.24 നം ചലാന്‍ പ്രകാരം അവാക്കിയിരുന്നു. ടി വ്യക്തിക്ക് മിനറല്‍ ട്രാന്‍സിറ്റ് പെര്‍മിറ്റ് ലഭിച്ച് ഒരു വര്‍ഷം കഴിഞ്ഞു. എന്നാല്‍ നിര്‍മ്മിക്കാന്‍ ഉദ്ദേശിച്ച കെട്ടിടത്തിന്റെ ബേസ്മെന്റ് നിര്‍മ്മിച്ചിട്ടുണ്ടോയെന്നും അനുവദിച്ചതിനേക്കാള്‍ കൂടുതല്‍ മണ്ണ് എടുത്തിട്ടുണ്ടോയെന്നും വ്യക്തമാക്കുന്ന രേഖകള്‍ ഫയലിലില്‍ ലഭ്യമല്ല. പ്രസ്തുത സ്ഥലത്ത് കെട്ടിട നിര്‍മ്മാണ പ്രവ‍ൃത്തികള്‍ ആരംഭിച്ചിട്ടില്ല എന്ന് അസിസ്ററന്റ് എഞ്ചിനീയര്‍ 31.7.25 ന് നടത്തിയ സ്ഥലപരിശോധനയുടെ റിപ്പോര്‍ട്ടില്‍ രേഖപ്പെടുത്തിയിരുന്നു. മിനറല്‍ ട്രാന്‍സിറ്റ് പാസ്സ് ലഭിച്ച ഉടമ മിനറല്‍ ട്രാന്‍സിറ്റ് പെര്‍മിറ്റ് ലഭിച്ച് ഒരു വര്‍ഷത്തിനുളളില്‍ നിര്‍മ്മിക്കാന്‍ ഉദ്ദേശിക്കുന്ന കെട്ടിടത്തിന്റെ ബേസ്മെന്റ് നിര്‍മ്മിച്ചില്ലെങ്കില്‍ കേരള മൈനര്‍ മിനറല്‍ കണ്‍സഷന്‍ ചട്ടം 14(7) പ്രകാരം റോയല്‍റ്റി ഫീസിന്റെ അഞ്ചിരട്ടി പിഴയായി ഒടുക്കണം. മേല്‍ചട്ട ലംഘനത്തിന് ടി വ്യക്തി 2,02,275/-രൂപ (40455*5)രൂപ പിഴയായി അടവാക്കേണ്ടതുണ്ട്. ഓഡിറ്റ് എന്‍ക്വയറി നല്‍കിയതിന്റെ അടിസ്ഥാനത്തില്‍ സെക്രട്ടറിയുടെ 30.7.25 ലെ എസ്.സി.റ്റു.773/24തീ.30.7.25 കത്ത് മുഖേന ജില്ലാ ജിയോളജിസ്റ്റിനെ ചട്ടലംഘനം അറിയിച്ചതിന്റെ രേഖകള്‍ പരിശോധനയ്ക്ക് ഹാജരാക്കി. കേരള മൈനര്‍ മിനറല്‍ കണ്‍സഷന്‍ ചട്ടം 2(iii), 14(2) എന്നിവ പ്രകാരം ഗ്രാമപഞ്ചായത്ത് സെക്രട്ടറി ക്ഷമതയുളള അധികാരിയായി നല്‍കിയ മൂവ്മെന്റ് പെര്‍മിറ്റ് ലംഘിക്കുന്ന സന്ദര്‍ഭങ്ങളില്‍ ചട്ടം14(7), ചട്ടം 14(8) പ്രകാരമുളള പിഴ ഒടുക്കിയ വിവരം, 14(10) പ്രകാരമുളള രജിസ്റ്ററില്‍ സൂക്ഷിക്കേണ്ടതും, പിഴ ഈടാക്കാത്ത പക്ഷം പെര്‍മിറ്റ് ഹോള്‍ഡര്‍ക്കെതിരെ ചട്ടം 14 (9) ചട്ടം 112 എന്നിവ പ്രകാരം റവന്യൂ റിക്കവറി നടപടി സ്വീകരിച്ചതിന്റെ വിവരം Form(U) ല്‍ സെക്രട്ടറി ജില്ല ജിയോളജിസ്റ്റിനെ അറിയിക്കേണ്ടതുമാണ്. എന്നാല്‍ ചട്ടലംഘനങ്ങള്‍ കത്ത് മുഖേന ജില്ല ജിയോളജിസ്റ്റിനെ അറിയിക്കുക മാത്രമാണ് ചെയ്തത്. പെര്‍മിറ്റ് അനുവദിക്കാന്‍ ക്ഷമതയുളള അധികാരിയായ സെക്രട്ടറി ചട്ടലംഘനങ്ങള്‍ക്ക് പെര്‍മിറ്റ് ഹോള്‍ഡര്‍ക്കെതിരെ റവന്യൂ റിക്കവറി നടപടി സ്വീകരിക്കാത്തത് മൂലം സര്‍ക്കാരിന് റോയല്‍റ്റി ഇനത്തില്‍ രൂപ 2,02,275/-രൂപ ലഭ്യമായിട്ടില്ല. കേരള മൈനര്‍ മിനറല്‍ കണ്‍സഷന്‍ ചട്ട പ്രകാരമുളള തുടര്‍ നടപടികള്‍ സ്വീകരിച്ച് വിവരംഅറിയിക്കേണ്ടതാണ്.
ഓഡിറ്റ് എന്‍ക്വയറി നം.24/25.7.25

പഞ്ചായത്ത് പരിധിയില്‍ പ്രവര്‍ത്തിക്കുന്ന കൊടുവിള, കുണ്ടറ, കൈതക്കോട് ക്ഷീര സഹകരണ സംഘങ്ങളുടെ തൊഴില്‍ നികുതി, സ്ഥാപന നികുതി എന്നിവ ഡിമാന്റ് ചെയ്ത് ഈടാക്കിയിട്ടില്ല. ആയത് ഈടാക്കി രേഖകള്‍ ഓഡിറ്റിന് ‍ ഹാജരാക്കേണ്ടതാണ്.

ഗ്രൂപ്പ് എന്ന നിലയില്‍ പ്രവര്‍ത്തിക്കാന്‍ കഴിയുന്ന പരിചയവും പ്രാവീണ്യവുമുള്ളവരാണെന്ന് കണ്ടെത്തുന്ന 5 അംഗങ്ങള്‍ എങ്കിലും ഉള്ള ഗ്രൂപ്പുകള്‍ രൂപീകരിക്കണം എന്ന് മാര്‍ഗ്ഗരേഖയില്‍ നിര്‍ദ്ദേശിച്ചിട്ടുണ്ട്. ഈ മാനദണ്ഡങ്ങള്‍ പാലിച്ചാണോ കേളി ആര്‍ട്സ്, ഉദയ ആര്‍ട്സ് ഗ്രൂപ്പുകളെ തെരെഞ്ഞെടുത്തിട്ടുള്ളത് എന്ന് ഫയലില്‍ സൂചിപ്പിച്ചിട്ടില്ല.

മാര്‍ഗ്ഗരേഖയിലെ നിര്‍ദ്ദേശ പ്രകാരം കേളി ആര്‍ട്സ്, ഉദയ ആര്‍ട്സ് ഗ്രൂപ്പുകള്‍ 3 മാസത്തെ പരിശീലനം പൂര്‍ത്തീകരിച്ചതിന്റെ വിവരങ്ങള്‍, പരിശീലനം നല്‍കിയ സ്ഥാപനത്തിന്റെ വിവരങ്ങള്‍ എന്നിവ ലഭ്യമാക്കിയിട്ടില്ല. റെലവന്റ് സ്കൂള്‍ ഓഫ് മ്യൂസിക് എന്ന സ്ഥാപനം വനിത യുവജന ഗ്രൂപ്പുകളിലെ 5 അംഗങ്ങള്‍ക്ക് വീതം 1 മാസം പരിശീലനം നല്‍കിയതിന്റെ ഹാജര്‍ വിവരങ്ങളാണ് ലഭ്യമാക്കിയിട്ടുള്ളത്.

10 മുതല്‍ 15 പേര്‍ വരെ അംഗങ്ങള്‍ ഉള്ള ഗ്രൂപ്പുകള്‍ക്ക് വാദ്യോപകരണങ്ങള്‍ നല്‍കുന്നതിനാണ് പദ്ധതി വിഭാവനം ചെയ്തിട്ടുള്ളത്. ഫയലില്‍ സൂക്ഷിച്ചിരിക്കുന്ന അറ്റന്‍ഡന്‍സ് ഷീറ്റില്‍ 5 അംഗങ്ങള്‍ വീതമാണ് ഉള്ളത്. ഓരോ ഗ്രൂപ്പിനും മേല്‍ പ്രകാരം 15 വാദ്യോപകരണങ്ങള്‍ നല്‍കിയിട്ടുണ്ട്. 5 അംഗങ്ങള്‍ ഉള്ള ഗ്രൂപ്പുകള്‍ക്ക് 15 വാദ്യോപകരണങ്ങള്‍ നല്‍കിയതിന്റെ സാഹചര്യം ഫയലില്‍ വ്യക്തമാക്കിയിട്ടില്ല.

ഇതു സംബന്ധിച്ച് നല്‍കിയ ഓഡിറ്റ് എന്‍ക്വയറിക്ക് മറുപടി ലഭ്യമാക്കിയിട്ടില്ല. 5 അംഗങ്ങളുള്ള ഗ്രൂപ്പുകള്‍ക്ക് 15 എണ്ണം ഉപകരണങ്ങള്‍ നല്‍കിയതിന് വിശദീകരണം ലഭ്യമാക്കേണ്ടതാണ്. മതിയായ വിശദീകരണം ലഭ്യമാകുന്നതു വരെ പദ്ധതിക്കായി ചെലവഴിച്ച 5,98,500/- രൂപ തടസ്സപ്പെടുത്തുന്നു.
ഓഡിറ്റ് എന്‍ക്വയറി നം -38/01.08.2025

കേളി ആര്‍ട്സ്, ഉദയ ആര്‍ട്സ് എന്നീ ഗ്രൂപ്പുകള്‍ സംരംഭങ്ങളായി രജിസ്റ്റര്‍ ചെയ്തതിന്റെ രേഖകള്‍, ഗ്രൂപ്പുകള്‍ പരിപാടി അവതരിപ്പിക്കാന്‍ ആരംഭിച്ചിട്ടുണ്ടോ എന്ന വിവരം എന്നിവ ലഭ്യമാക്കിയിട്ടില്ല. ഇതു സംബന്ധിച്ച് നല്‍കിയ ഓഡിറ്റ് എന്‍ക്വയറിക്ക് മറുപടി ലഭ്യമാക്കിയിട്ടില്ല. ഗ്രൂപ്പുകളുടെ തുടര്‍ പ്രവര്‍ത്തനങ്ങള്‍ മോണിട്ടര്‍ ചെയ്യേണ്ടതും ഗ്രൂപ്പുകളെ സംരംഭങ്ങളായി രജിസ്റ്റര്‍ ചെയ്ത് പ്രവര്‍ത്തന ക്ഷമമായതിന്റെ രേഖകള്‍ ഓഡിറ്റിന് ഹാജരാക്കേണ്ടതുമാണ്. ഈ വിഷയത്തില്‍ ക്ഷേമകാര്യ സ്റ്റാന്റിംഗ് കമ്മിറ്റിയുടെ പ്രത്യേക ശ്രദ്ധ ക്ഷണിക്കുന്നു.
ഓഡിറ്റ് എന്‍ക്വയറി നം.38/01.08.2025

നിര്‍വ്വഹണ ഉദ്യോഗസ്ഥന്‍ - വി.ഇ.ഒ

ഫണ്ടിനം -വികസന ഫണ്ട് (എസ്.സി.പി)‍ 2,99,250/-രൂപ വീതം

ഗുണഭോക്തൃ വിഹിതം 15,750/- രൂപ വീതം

പട്ടികജാതി യുവജനങ്ങള്‍ക്ക് വാദ്യോപകരണങ്ങള്‍ (114/25), പട്ടികജാതി വനിതകള്‍ക്ക് വാദ്യോപകരണങ്ങള്‍ ‍ (197/25) എന്നീ പദ്ധതികള്‍ ‍ 15 പേര്‍ ഉള്ള ഗ്രൂപ്പുകള്‍ക്ക് വാദ്യോപകരണങ്ങള്‍ വാങ്ങി നല്‍കുന്നതിനാണ് രൂപീകരിച്ചിട്ടുള്ളത്. മേല്‍ പ്രകാരം കേളി ആര്‍ട്സ്, ഉദയ ആര്‍ട്സ് എന്നീ രണ്ട് ഗ്രൂപ്പുകള്‍ക്കുള്ള വാദ്യോപകരണങ്ങളുടെ വിലയായ 6,30,000/-രൂപ റെലവന്റ് സ്കൂള്‍ ഓഫ് മ്യൂസിക് എന്ന സ്ഥാപനത്തിന് നല്‍കിയിട്ടുണ്ട്. വിശദ വിവരങ്ങള്‍ ചുവടെ ചേര്‍ക്കുന്നു.

പട്ടികജാതി വനിതകള്‍ക്ക് വാദ്യോപകരണങ്ങള്‍ ‍ (197/25)

ബില്‍ നം 24030552095401498203/11.03.2025 – 2,99,250/-രൂപ

510/11.03.2025 –15,750/-രൂപ

പട്ടികജാതി യുവജനങ്ങള്‍ക്ക് വാദ്യോപകരണങ്ങള്‍ (114/25),

ബില്‍ നം 24030552095401498198/11.03.2025 – 2,99,250/-രൂപ

513/11.03.2025 –15,750/-രൂപ

ഓരോ ഗ്രൂപ്പിനും വാങ്ങി നല്‍കിയ വാദ്യോപകരണങ്ങളുടെ വിവരം ചുവടെ ചേര്‍ക്കുന്നു.

 

പ്രോജക്ടുകളുടെ ഫയല്‍ പരിശോധിച്ചതില്‍ താഴെ സൂചിപ്പിക്കുന്ന അപാകതകള്‍ കാണുന്നു.

പ്രോജക്ട് നം - 71/24-25

നിര്‍വ്വഹണോദ്യോഗസ്ഥന്‍ - വി.ഇ.ഒ

ഫണ്ടിനം - വികസന ഫണ്ട് ജനറല്‍

അടങ്കല്‍ - 16,80,000/-രൂപ

ചെലവ് - 14,85,000/-രൂപ

I. വീട് പുനരുദ്ധാരണത്തിനായി അര്‍ഹരായ ഗുണഭോക്താക്കള്‍ക്ക് 30,000/-രൂപ വീതം നല്‍കുന്നതിനാണ് പദ്ധതിരൂപീകരിച്ചത്. എന്നാല്‍ ഒന്നാം ഗഡു കൈപ്പറ്റിയിട്ടുള്ള ഗുണഭോക്താക്കളില്‍ 9 പേര്‍ പണി പൂര്‍ത്തീകരിച്ച് രണ്ടാഗഡു കൈപ്പറ്റിയിട്ടില്ല. ‍വിശദ വിവരങ്ങള്‍ ചുവടെ ചേര്‍ക്കുന്നു.

ഇവര്‍ നിലവില്‍ പണി പൂര്‍ത്തീകരിച്ചിട്ടുണ്ടോ എന്നുള്ള വിവരം ലഭ്യമാക്കാന്‍ ആവശ്യപ്പെട്ടു നല്‍കിയ ഓഡിറ്റ് എന്‍ക്വയറിക്ക് 2025-26 വര്‍ഷം സമയബന്ധിതമായി ഭവന പുനരുദ്ധാരണം പൂര്‍ത്തീകരിച്ച് വരുന്ന മുറയ്ക്ക് ബാക്കി തുക നല്‍കി പദ്ധതി പൂര്‍ത്തീകരിക്കുന്നതാണെന്നും അല്ലാത്ത പക്ഷം ഗ്രാമ പഞ്ചായത്ത് കമ്മിറ്റി തീരുമാന പ്രകാരം കൈപ്പറ്റിയ തുക പലിശ സഹിതം ഈടാക്കി സര്‍ക്കാരിലേക്ക് ഒടുക്കുന്നതാണെന്നും അറിയിച്ചിട്ടുണ്ട്. പദ്ധതി മോണിട്ടറിംഗ് നടത്തി അനുയോജ്യമായ തുടര്‍ നടപടികള്‍ സ്വീകരിക്കേണ്ടതാണ്.
ഓഡിറ്റ് എന്‍ക്വയറി നം. 19/ 28.07.2025

പ്രോജക്ട് നം -179/24
നിര്‍വ്വഹണോദ്യോഗസ്ഥന്‍ – വി.ഇ.ഒ

2024-25 വര്‍ഷം 1,02,50,000/- രൂപ ശുചിത്വമിഷന്‍ ഫണ്ട് അടങ്കല്‍ തുകയായി വച്ച് നടപ്പിലാക്കിയ പദ്ധതിയാണ് നിര്‍മ്മലതീരം അഷ്ടമുടി കായല്‍ സംരക്ഷണം ബയോഡൈജസ്റ്റര്‍ സ്ഥാപിക്കല്‍. 205 വീടുകളില്‍ ബയോഡൈജസ്റ്റര്‍ സ്ഥാപിക്കുന്നതിനാണ് പദ്ധതി ലക്ഷ്യമിട്ടിരുന്നത്. എന്നാല്‍ ശുചിത്വമിഷനില്‍ നിന്നും ഫണ്ട് ലഭ്യമായിട്ടില്ല. 2024-25 വര്‍ഷം 49 ബയോഡൈജസ്റ്റര്‍ സ്ഥാപിച്ചതിന്റെ തുകയായി 23,64,838/-രൂപ 22401108/14.03.2025 നം വൗച്ചര്‍ പ്രകാരം (ചെക്ക് നം.062221/10.03.2025) ബങ്കാബയോ ലിമിറ്റഡ് എന്ന സ്ഥാപനത്തിന് തനത് ഫണ്ടില്‍ നിന്നും നല്‍കിയിട്ടുണ്ട്. ശേഷിക്കുന്ന 156 ബയോഡൈജസ്റ്റര്‍ 2025-26 വര്‍ഷം സ്ഥാപിച്ചിട്ടുണ്ട്. 09.07.2025 ലെ ജി.ഒ (ആര്‍.ടി) നം 1699/2025/എല്‍.എസ്.ജി.ഡി ഉത്തരവ് പ്രകാരം ശുചിത്വമിഷനില്‍ നിന്നും പേരയം ഗ്രാമ പഞ്ചായത്തിന് 78,85,162/- രൂപ അനുവദിച്ച് ഉത്തരവ് ആയിട്ടുണ്ട്. ഫണ്ട് ലഭ്യമാകുന്ന മുറയ്ക്ക് തനത് ഫണ്ടില്‍ നിന്നും ചെലവഴിച്ച തുക റീകൂപ്പ് ചെയ്യേണ്ടതും സ്ഥാപനത്തിന് നല്‍കേണ്ട തുക നല്‍കേണ്ടതുമാണ്.

പേരയം ഗ്രാമപഞ്ചായത്തിലെ വിവിധ വാര്‍ഡുകളി‍ല്‍ ജല്‍ജീവന്‍ മിഷ‍ന്‍ പദ്ധതിയുടെ ഭാഗമായി (കേരള വാട്ടര്‍ അതോറിറ്റി എക്സിക്യൂട്ടീവ് എഞ്ചിനീയറുടെ 17.02.2024 തീയതിയിലെ DB2/GL/PHNDn/KTR/2023 നമ്പ‍ര്‍ കത്ത്) പൈപ്പ് ലൈ‍ന്‍ സ്ഥാപിച്ചത് മൂലം തകര്‍ന്ന ചുവടെ ചേര്‍ത്ത റോഡുകളുടെ എസ്റ്റിമേറ്റ് തയ്യാറാക്കിയിട്ടില്ല. ഇത് കാരണം റിസ്റ്റോറേ‍ഷന്‍ ചാര്‍ജ് ഇനത്തില്‍ പഞ്ചായത്തിന് ലഭിക്കേണ്ട ലക്ഷങ്ങള്‍ നഷ്ടമായതായി വിലയിരുത്തുന്നു. റോഡുകള്‍ റിസ്റ്റോറേഷന്‍ ചെയ്തിട്ടുണ്ടെന്നതിലും വ്യക്തതയില്ല.

1. മുട്ടം –മങ്ങാരത്ത് കടവ് റോഡ്, വാര്‍ഡ്- 1
2. FWC സെന്‍റര്‍-കായല്‍വാരം റോഡ്, വാര്‍ഡ്- 2
3. സെന്‍റ് ആന്‍ണീസ് കുരിശ്ശടി- ആനിയമ്മയുടെ വീട്, വാര്‍ഡ്- 3
4. വൈദ്യര്‍ ജംഗ്ഷന്‍-പള്ളിക്കലഴികത്ത് റോഡ്, വാര്‍ഡ് -4
5. അരയന്‍റഴികത്ത് റോഡ്, വാര്‍ഡ്- 4
6. പേരയം അമ്പലം പടി-വടക്ക് പഴനി റോഡ്, വാര്‍ഡ്- 6
7. മോരിപ്പുറം റോഡ്, വാര്‍ഡ് -6
8. പുളിമുക്ക്-സൌന്ദര്യ ജംഗ്ഷന്‍ റോഡ്, വാര്‍ഡ് -6
9. ചൊക്കംകുഴി ശ്രീഭദ്രകാളി റോഡ്, വാര്‍ഡ്- 7
10. കോട്ടപ്പുറം ക്രിസ്തുരാജ് റോഡ്, വാര്‍ഡ് -7
11. ബി.ബി റോഡ്, വാര്‍ഡ് -7
12. കോട്ടപ്പുറം കടത്തുകടവ് റോഡ് , വാര്‍ഡ്- 7
13. കോട്ടപ്പുറം –കൊടിയത്ത് റോഡ്, വാര്‍ഡ് -8
14. അമ്പിയില്‍ മുക്ക്-ഓണമ്പലം റോഡ്, വാര്‍ഡ്- 8
15. സോഡാസമ്പനി(സൌന്ദര്യ ജംഗ്ഷന്‍)-ചൊക്കംകുഴി റോഡ്, വാര്‍ഡ്- 8
16. NSS സ്കൂള്‍-മുളവന എല്‍.പി സകൂള്‍, വാര്‍ഡ് -9
17. ചിറ മുതല്‍ നീരൊഴിക്കല്‍ റോഡ്, വാര്‍ഡ് -10
18. കോളനി റോഡ്, വാര്‍ഡ്- 10
19. ട്രാന്‍സ്ഫോര്‍മ‍ര്‍ -കോടിമേല്‍ പടിഞ്ഞാറുഭാഗം, വാര്‍ഡ് -11
20. നീരൊഴിക്കല്‍ അമ്പലം ജംഗ്ഷന്‍, വാര്‍ഡ്- 11
21. കരിക്കുഴി-മാപ്പിളപ്പൊയ്ക റോഡ്, വാര്‍ഡ് -12
22. കരിക്കുഴി പള്ളി ജംഗ്ഷന്‍- കരിക്കുഴി തോട് റോഡ്, വാര്‍ഡ് -12
23. എന്‍.എസ് നഗര്‍ വല്യണ്ടയ്ക്കല്‍ റോഡ്, വാര്‍ഡ് -13
24. പുതുച്ചേരിവിള –ഈശോനാമം റോഡ്, വാര്‍ഡ് -13
25. എന്‍.എസ് കടത്ത് കടവ് റോഡ്, വാര്‍ഡ്- 13
26. ചില്ലയ്ക്കല്‍ റോഡ്, വാര്‍ഡ് -14
27. കോടീയില്‍ റോഡ് വാര്‍ഡ് -14

പേരയം ഗ്രാമപഞ്ചായത്തിലെ വിവിധ വാർഡുകളിൽ ജല്‍ ജീവൻ മിഷൻ പദ്ധതിയുടെ ഭാഗമായി പൈപ്പ് ലൈൻ സ്ഥാപിച്ചത് മൂലം തകർന്ന 27 റോഡുകളുടെ എസ്റ്റിമേറ്റ് തയ്യാറാക്കുന്നതിനായി 21-2-24 പഞ്ചായത്ത് കമ്മിറ്റി നിർദ്ദേശിച്ചിരുന്നു. എന്നാൽ റോഡുകൾ കട്ട് ചെയ്യുന്നതിന് പഞ്ചായത്തിലേക്ക് SUGAMA പോര്‍ട്ടല്‍ വഴി കേരള വാട്ടര്‍ അതോറിറ്റി അപേക്ഷ സമർപ്പിക്കാത്തതിനാൽ റസ്റ്റോറേഷൻ ചാർജ് കണക്കാക്കുന്നതിനുള്ള എസ്റ്റിമേറ്റ് തയ്യാറാക്കിയിട്ടില്ലന്നും KWA പഞ്ചായത്ത് അസിസ്റ്റൻറ് എൻജിനീയറുടെ സാന്നിധ്യത്തിൽ അല്ല പഞ്ചായത്ത് റോഡുകൾ കട്ട് ചെയ്ത് പൈപ്പ് ലൈൻ സ്ഥാപിച്ചിട്ടുള്ളത് എന്നതിനാല്‍ റസ്റ്റോറേഷൻ ചെയ്യേണ്ട നീളം, വീതി, ആഴം എന്നിവ നിർണ്ണയിക്കുവാൻ സാധിച്ചിട്ടില്ലെന്നും എന്‍ക്വയറിക്ക് മറുപടി നല്‍കിയിരിക്കുന്നു. മേല്‍ സൂചിപ്പിച്ച റോഡുകള്‍ റിസ്റ്റോര്‍ ചെയ്തതിന്റെയും റിസ്റ്റോറേ‍ഷന്‍ ചാര്‍ജ് ഇനത്തില്‍ പഞ്ചായത്തിന് ലഭിക്കേണ്ട തുക ഈടാക്കുന്നതിന് സ്വീകരിച്ച നടപടികളുടെയും വിവരങ്ങള്‍ ലഭ്യമാക്കേണ്ടതാണ്.

ഹരിതകർമസേന ശേഖരിച്ച് എം.സി.എഫിൽ എത്തിക്കുന്ന പ്ലാസ്റ്റിക്കുകൾ കംപ്രസ്സ് ചെയ്യുന്നതിലേക്ക് പടപ്പക്കര എം.സി.എഫിൽ ബെയിലിങ് മെഷീൻ സ്ഥാപിക്കുവാൻ 24 -25 സാമ്പത്തിക വർഷം സെക്രട്ടറി നിര്‍വ്വഹണ ഉദ്യോഗസ്ഥനായി ബെയിലിങ് മെഷീൻ വാങ്ങിയിരുന്നു. വിശദാംശം ചുവടെ ചേര്‍ക്കുന്നു.

മേല്‍ പ്രോജക്ടില്‍ ബെയിലിങ് മെഷീൻ വാങ്ങുന്നതിനായി 4,95,000/- രൂപയും, അനുബന്ധ ചെലവുകൾക്ക് 50,000/-രൂപയും ത്രീ ഫേസ് കണക്ഷൻ എടുക്കുവാൻ കെ.എസ്.ഇ.ബിക്ക് നൽകേണ്ട തുക, പ്രവൃത്തി ഏറ്റെടുക്കുന്ന കരാറുകാരന് എം-ബുക്ക് പ്രകാരം നൽകേണ്ട തുക, ജില്ലാ പഞ്ചായത്ത് ടെക്നിക്കൽ ഭാഗത്തിന് നൽകേണ്ട തുക എന്നിവയ്ക്കായി 1,19,450/-രൂപയും വകയിരുത്തിയിരുന്നു. ജെം മുഖേന ആർ.ജെ എന്റർപ്രൈസസ് കോട്ടയം എന്ന സ്ഥാപനത്തിൽ നിന്ന് 4,93,500/-രൂപയ്ക്ക് (invoice No-RJE03931/24-25 തീയതി 3.3.2025) ബെയിലിംഗ് മെഷീനും, സണ്‍ ബീം എന്ന സ്ഥാപനത്തില്‍ നിന്നും 50,000/-രൂപയ്ക്ക് (invoice No-SUN01428/24-25 തീ 3.3.2025) ഹൈഡ്രോളിക്ക് ഓയിലും വാങ്ങിയിട്ടുണ്ട്. എന്നാല്‍ 26.7.2025 ന് പടപ്പക്കര എം.സി.എഫില്‍ നടത്തിയ സ്ഥലപരിശോധനയില്‍ ബെയിലിംഗ് മെഷീൻ സ്ഥാപിച്ചിട്ടില്ല എന്നു കണ്ടെത്തി. ബെയിലിംഗ് മെഷീൻ കെട്ടിടത്തിനുളളില്‍ സ്ഥാപിക്കാതെ കെട്ടിടത്തിന് പുറത്ത് വച്ചിരിക്കുകയാണ്. എന്നാല്‍ 14.3.2025-ല്‍ നിര്‍വഹണ ഉദ്യോഗസ്ഥന്‍ ഇത് സംബന്ധിച്ച വിനിയോഗ സാക്ഷ്യപത്രത്തില്‍ 2024-25 സാമ്പത്തിക വർഷം പടപ്പക്കര എം.സി.എഫിൽ ബെയിലിങ് മെഷീൻ സ്ഥാപിച്ചിട്ടുണ്ട് എന്ന് സാക്ഷ്യപ്പെടുത്തിയിരിക്കുന്നു.
 

നിലവിലെ എം.സി.എഫ് കെട്ടിടത്തിന്റെ വാതിൽ ചെറുതായതിനാൽ മെഷീന്‍ അകത്ത് പ്രവേശിപ്പിക്കാൻ സാധിക്കില്ല എന്നും, ആയത് പുറത്ത് സ്ഥാപിക്കാൻ വേണ്ട ക്രമീകരണങ്ങൾ ഒരുക്കുന്നു എന്നും ത്രീഫേസ് കണക്ഷന്‍ എടുക്കുന്നതിനു വേണ്ട ടെൻഡർ നടപടികൾ തുടർന്നുവരികയാണെന്നും പി.ഡബ്ല്യു.ഡി ലൈസൻസ്, ജിഎസ്.ടി. രജിസ്ട്രേഷന്‍ ഇവ ഉള്ള ഇലക്ട്രിക്കൽ കോൺട്രാക്ടർമാര്‍ ആരും തന്നെ അപേക്ഷിച്ചിട്ടില്ലാത്തതിനാൽ ആണ് പ്രവൃത്തി നീളുന്നതെന്നും എന്‍ക്വയറിക്ക് മറുപടി ലഭ്യമാക്കി. എം.സി.എഫില്‍ അടിസ്ഥാന സൗകര്യമൊരുക്കാതെയാണ് പദ്ധതി നിര്‍വഹണം നടപ്പാക്കിയിരിക്കുന്നത്‌.    ത്രീഫേസ് കണക്ഷന്‍ എടുക്കുന്നതിനു വേണ്ട സത്വര നടപടികള്‍ സ്വീകരിച്ച് ബെയിലിംഗ് മെഷീൻ സ്ഥാപിക്കേണ്ടതാണ്. ആകെ ചെലവഴിച്ച 5,43,500/-രൂപ തടസ്സത്തില്‍വയ്ക്കുന്നു. ബെയിലിംഗ് മെഷീൻ സ്ഥാപിച്ചതിന്റെ രേഖകള്‍ ഹാജരാക്കി തടസ്സം ഒഴിവാക്കേണ്ടതാണ്.

എന്‍ക്വയറി നം-14/28.7.25
തടസ്സം-5,43,500/-രൂപ

മെഡിക്കല്‍ ഓഫീസർ, ഹോമിയോ നിര്‍വ്വഹണ ഉദ്യോഗസ്ഥയായി നടപ്പിലാക്കിയ ഹോമിയോ ആശുപത്രിയ്ക്ക് മരുന്ന് വാങ്ങല്‍ പദ്ധതി പ്രകാരം 2,00,000/- രൂപ ഹോംകോയ്ക്ക് മുൻകൂറായി നൽകിയിട്ടുണ്ട്. വിശദാംശങ്ങള്‍ ചുവടെ ചേര്‍ക്കുന്നു.

എന്നാല്‍ മരുന്നുകള്‍ ലഭ്യമായിട്ടില്ല. 2,00,000/-രൂപയുടെ ചെലവ് തടസ്സപ്പെടുത്തുന്നു. മരുന്നുകള്‍ അടിയന്തിരമായി ലഭ്യമാക്കി സ്റ്റോക്കിലെടുത്ത് രേഖകള്‍ ഹാജരാക്കേണ്ടതാണ്.
ഓഡിറ്റ് എന്‍ക്വയറി നമ്പര്‍ 12/28.07.2025
തടസ്സപ്പെടുത്തിയ തുക-2,00,000/- രൂപ

മേല്‍ പ്രോജക്ടില്‍ ഉൾപ്പെടുത്തി പേരയം ഗ്രാമപഞ്ചായത്തിലെ കരിക്കുഴി വനത്തിൽ ഭാഗം, കുമ്പളം പി.എച്ച്.സി, പടപ്പക്കര സബ് സെന്റർ നെല്ലിമുക്കം എന്നീ സ്ഥലങ്ങളിൽ കുഴൽ കിണറും പമ്പ് ഹൗസും നിർമ്മിക്കുന്നതിനായി 9,81,935/-രൂപ ഗ്രൗണ്ട് വാട്ടർ ഡിപ്പാർട്ട്മെന്റിലേക്ക് അടവാക്കിയിട്ടുണ്ട്. എന്നാല്‍ ആയതിന്റെ വിനിയോഗസര്‍ട്ടിഫിക്കറ്റ്, ടി സ്ഥാപനവുമായി കരാര്‍ വച്ചതിന്റെ രേഖകള്‍ എന്നിവ ഹാജരാക്കിയിട്ടില്ല. ധനകാര്യ (എസ്.എഫ്.സി-സെല്‍.എ.) വകുപ്പിന്റെ സ.ഉ.കൈ.നം 38/23 ധന തീ.9.3.23 നം ഉത്തരവ് പ്രകാരം കെ.എസ്.ഇ.ബി, കെ.ഡബ്ലൂ.എ ഉള്‍പ്പെടെയുളള എല്ലാത്തരം അക്രഡിറ്റ‍ഡ് ഏജന്‍സികള്‍ മുഖേന നടത്തുന്ന ഡെപ്പോസിറ്റ് പ്രവൃത്തികള്‍ക്കായി പ്രാദേശിക സര്‍ക്കാരുകള്‍ നിക്ഷേപിച്ചിട്ടുള്ള തുക അതാത് സാമ്പത്തിക വര്‍ഷം തന്നെ ചെലവഴിക്കേണ്ടതാണെന്നും ഡെപ്പോസിറ്റ് പ്രവൃത്തികള്‍ക്കായി പ്രാദേശിക സര്‍ക്കാരുകള്‍ നിക്ഷേപിച്ചതില്‍ ചെലവഴിക്കാത്ത തുക സംസ്ഥാന സഞ്ചിതനിധിയില്‍ തിരിച്ചടയ്ക്കേണ്ടതാണെന്നും രേഖപ്പെടുത്തിയിട്ടുണ്ട്. കൂടാതെപദ്ധതി മാർഗേരഖ സ.ഉ.(കൈ) 84/2022/ത.സ്വഭ.വ, തീ. 19.04.2022 ഖ 12.2(ഡി)ii പ്രകാരം ഡെപ്പോസിറ്റ് പ്രവൃത്തികള്‍ക്കായി കരാറിൽ ഏര്‍പ്പെട്ടതിന് ശേഷം മാത്രമേ മുന്‍കൂര്‍ തുക നല്‍കാവൂ എന്ന് വ്യവസ്ഥ ചെയ്തിട്ടുണ്ട്. എന്നാല്‍ മേല്‍ പ്രോജക്ടില്‍ നിര്‍വ്വഹണ ഏജന്‍സിയുമായി കരാറില്‍ ഏര്‍പ്പെട്ടിട്ടില്ല. ഡെപ്പോസിറ്റ് പ്രവൃത്തികള്‍ നടപ്പിലാക്കുമ്പോള്‍ സര്‍ക്കാര്‍ നിര്‍ദ്ദേശപ്രകാരമുളള നടപടികള്‍ സ്വീകരിക്കേണ്ടതാണ്. വിനിയോഗസര്‍ട്ടിഫിക്കറ്റ് ഹാജരാക്കിയിട്ടില്ലാത്തതിനാല്‍ 9,81,935/-രൂപ തടസ്സപ്പെടുത്തുന്നു. വിനിയോഗസര്‍ട്ടിഫിക്കറ്റ് ഹാജരാക്കി തടസ്സം ഒഴിവാക്കേണ്ടതാണ്.

ഓഡിറ്റ് എന്‍ക്വയറി നം- 33/25 -31.07.25
തടസ്സപ്പെടുത്തിയ തുക 9,81,935/-രൂപ

തദ്ദേശ സ്വയംഭരണ സ്ഥാപനങ്ങൾ പത്രങ്ങളിൽ പരസ്യങ്ങൾ നൽകുമ്പോൾ ഗവൺമെന്റ് ഉത്തരവ് സ.ഉ.(കൈ) നം.288/14/I & PRD തീയതി 10-9-14 പ്രകാരം 15 ശതമാനം ഡിസ്കൗണ്ടിന് അർഹതയുണ്ട്. എന്നാല്‍ പദ്ധതി രൂപീകരണവും മോണിറ്ററിംഗും പ്രോജക്ടില്‍ (6/25) ഉള്‍പ്പെട്ടിട്ടുളള പരസ്യചെലവുകള്‍ക്ക് ഈ ആനുകൂല്യം ലഭ്യമായിട്ടില്ല. വിശദാംശം ചുവടെ ചേര്‍ക്കുന്നു.

സര്‍ക്കാര്‍ ഉത്തരവ് പ്രകാരം ഡിസ്കൗണ്ട് ആനുകൂല്യം ലഭ്യമാകുന്നതിനായി മേല്‍ പത്രങ്ങള്‍ക്ക് കത്ത് നല്‍കിയിട്ടുണ്ടെന്ന്, ഇത് സംബന്ധിച്ച് നല്‍കിയ എന്‍ക്വയറിക്ക് മറുപടിയായി അറിയിച്ചു. ഡിസ്കൗണ്ട് ആനുകൂല്യം ലഭ്യമാക്കി വിവരം അറിയിക്കേണ്ടതാണ്.
എന്‍ക്വയറി നം 15/28.7.25

പഞ്ചായത്ത് കോൺഫറൻസ് ഹാളിൽ 18 എം.എം. മറൈൻ പ്ലൈവുഡ് പ്ലാറ്റ്ഫോം, കാർപെറ്റ് 18 എം.എം. പ്രീ ലാമിനേറ്റഡ് (mdf ), കബോർഡ് സഹിതം ഉള്ള സൈഡ് ടേബിൾ 18mm ലാമിനേറ്റഡ് എം.ഡി.എഫ്, പോഡിയം സ്റ്റാൻഡ് ലാമിനേറ്റഡ് എം.ഡി.എഫ്, ഡയസിന്റെ പിൻവശം പി.വി.സി പാനലിങ്, സൈഡ് ഗ്രിൽ അലൂമിനിയം ഗ്ലാസ്, ഗ്ലാസ് സ്ലൈഡ് വിൻഡോ, കുഷ്യൻ ചെയർ-15 ഇവ സജ്ജീകരിക്കുന്നതിന് വേണ്ടി തയ്യാറാക്കിയ മേൽ പ്രോജക്ടിൽ പ്രവൃത്തി നടപ്പാക്കുന്നതിനായി ടെണ്ടര്‍ മുഖേന SIDCO യുമായി കരാറിൽ ഏർപ്പെട്ട്, പ്രവൃത്തിയ്ക്കായി 8,10,999/-രൂപ SIDCO-യ്ക്ക് ഇന്‍വോയ്സ് നം.KLM/24-25/272-തീയതി 3-3-25 പ്രകാരം നൽകിയിട്ടുണ്ട്. എന്നാൽ ഈ പ്രവൃത്തിക്ക് ഉപയോഗിച്ച സാധനങ്ങളുടെ ഗുണനിലവാര പരിശോധന നടത്തുകയോ പ്രവൃത്തിയുടെ അളവുകള്‍ എൻജിനീയറിങ് വിഭാഗം പരിശോധിച്ച് സാക്ഷ്യപ്പെടുത്തുകയോ ചെയ്തിട്ടില്ല. SIDCO-യുമായി കരാറിൽ ഏർപ്പെട്ടതിനാലാണ് എൻജിനീയറിങ് വിഭാഗം വാല്വഷേന്‍ എടുക്കാതിരുന്നതെന്ന് എന്‍ക്വയറിക്ക് മറുപടി ലഭ്യമാക്കിയിട്ടുണ്ട്. ഭാവിയില്‍ ഇത്തരം അപാകതകള്‍ ഉണ്ടാകാതെ ശ്രദ്ധിക്കേണ്ടതാണ്.
ഓഡിറ്റ് എന്‍ക്വയറി നം.33/31.7.25

2024-25 സാമ്പത്തിക വര്‍ഷം സെക്രട്ടറി നിര്‍വ്വഹണം നടത്തിയ വിവിധ പ്രോജക്ടുകള്‍ക്കായി നല്‍കിയ തുകകളുടെ വിനിയോഗ സര്‍ട്ടിഫിക്കറ്റ് ലഭ്യമായിട്ടില്ല.

2,39,599/- രൂപയുടെ ചെലവ് തടസ്സപ്പെടുത്തുന്നു. വിനിയോഗ സര്‍ട്ടിഫിക്കറ്റ് ഹാജരാക്കി തടസ്സം ഒഴിവാക്കേണ്ടതാണ്.
എന്‍ക്വയറി നം 13/28-07-2025

ലൈഫ് ഭവന പദ്ധതി 2020 ലെ ഗുണഭോക്താക്കളില്‍ 5 ഗുണഭോക്താക്കള്‍ വീടു പണി പൂര്‍ത്തീകരിച്ചിട്ടില്ല. വിശദ വിവരം ചുവടെ ചേര്‍ക്കുന്നു.

1. ലൈഫ് ഭവന പദ്ധതി - എസ്.സി

2. ലൈഫ് ഭവന പദ്ധതി - ജനറല്‍

ഇവര്‍ നിലവില്‍ പണി പൂര്‍ത്തീകരിച്ചിട്ടുണ്ടോ എന്നുള്ള വിവരം ലഭ്യമാക്കാന്‍ ആവശ്യപ്പെട്ടു നല്‍കിയ ഓഡിറ്റ് എന്‍ക്വയറിക്ക്, 2025-26 വര്‍ഷം സമയബന്ധിതമായി ഭവന പുനരുദ്ധാരണം പൂര്‍ത്തീകരിച്ച് വരുന്ന മുറയ്ക്ക് ബാക്കി തുക നല്‍കി പദ്ധതി പൂര്‍ത്തീകരിക്കുന്നതാണെന്നും, അല്ലാത്ത പക്ഷം ഗ്രാമ പഞ്ചായത്ത് കമ്മിറ്റി തീരുമാനപ്രകാരം കൈപ്പറ്റിയ തുക പലിശ സഹിതം ഈടാക്കി സര്‍ക്കാരിലേക്ക് ഒടുക്കുന്നതാണെന്നും അറിയിച്ചിട്ടുണ്ട്. പദ്ധതി മോണിട്ടറിംഗ് നടത്തി അനുയോജ്യമായ തുടര്‍ നടപടികള്‍ സ്വീകരിക്കേണ്ടതാണ്.

ഓഡിറ്റ് എന്‍ക്വയറി നം. 19/ 28.07.2025

2024-25-വര്‍ഷം വരെയുള്ള കാലയളവില്‍ കരാര്‍ വച്ചിട്ടുള്ള മരാമത്ത് പ്രവൃത്തികളില്‍‍ നാളിതുവരെ നിര്‍മ്മാണം ആരംഭിക്കാത്തവയുടെ വിവരങ്ങള്‍ ചുവടെ ചേര്‍ക്കുന്നു.

പാറയില്‍ ലക്ഷം വീട് കിണര്‍ & പ്ലേഗ്രൌണ്ട് പ്രവ‍ൃത്തി സ്ഥലത്ത് കിണര്‍ സ്ഥിതി ചെയ്യുന്ന സ്ഥലത്തിന്റെ ഉടമസ്ഥത സംബന്ധിച്ച് വില്ലേജ് ഓഫീസില്‍ നിന്നും രേഖകള്‍ ലഭ്യമാക്കി തുടര്‍ നടപടിയെടുക്കുവാന്‍ കമ്മിറ്റി 20-3-2025- ല്‍ 2(1) തീരുമാനം എടുത്തിട്ടും പ്രവൃത്തി ആരംഭിച്ചിട്ടില്ല. മറ്റു രണ്ട് പ്രവൃത്തികള്‍ ആരംഭിക്കുന്നതിന് വേണ്ടി കരാറുകാരന് 19-6-25 & 7-7-25 തിയതികളില്‍ അസി. എന്‍ഞ്ചിനീയര്‍ നോട്ടീസ് നല്‍കിട്ടും പ്രവൃത്തി ആരംഭിക്കുവാന്‍ കരാറുകാരന്‍ തയ്യാറായിട്ടില്ല. പ്രവൃത്തികള്‍ പൂര്‍ത്തീകരിക്കുന്നതിനും കരാറുകാര്‍ക്കെതിരെ PWD Manual 2012 section 2116.2 -ല്‍ അനുശാസിക്കുന്ന നിയമ നടപടികളും, PWD Manual 2012 section 2116.2.1 പ്രകാരം സെക്യൂരിറ്റി ഡെപ്പോസിറ്റ്, പെര്‍ഫോമന്‍സ് ഗ്യാരന്റി എന്നിവ കണ്ടുകെട്ടുന്നതിനുള്ള നടപടികളും സ്വീകരിക്കേണ്ടതാണ്.

പാലിയേറ്റീവ് കെയർ പദ്ധതിയുടെ വിവിധ ഫണ്ടുകളുടെ ബില്ലുകളില്‍ നിന്നും ഡീസല്‍ ചെലവിനത്തില്‍ അധികം തുക എച്ച്.എം.സി അക്കൗണ്ടിലേക്ക് മാറ്റിയിരിക്കുന്നു. പാലിയേറ്റീവ് കെയർ പദ്ധതിയുടെ ഭാഗമായി ആംബുലൻസ് ഡ്രൈവറുടെ വേതനം, പാലിയേറ്റീവ് നേഴ്സിന്റെ വേതനം, ആംബുലൻസിന്റെ ഡീസൽ ചെലവുകൾ എന്നിവയ്ക്ക് വേണ്ടി വികസന ഫണ്ട്, മെയിന്റനൻസ് ഗ്രാൻഡ് (NR) എന്നിവയില്‍ നിന്നും തുകകൾ ചെലവഴിച്ചിട്ടുണ്ട്. ബില്ലുകൾ, വൗച്ചറുകൾ എന്നിവ പരിശോധിച്ചതിൽ നിന്നും ആംബുലൻസിന്റെ ഡീസൽ ചെലവുകൾക്ക് വേണ്ടിയുള്ള തുക എച്ച്.എം.സി അക്കൗണ്ടിലേക്കാണ് ട്രഷറി ട്രാന്‍സ്ഫര്‍ ചെയ്തിട്ടുള്ളതെന്ന് ബോധ്യപ്പെട്ടു. ഓരോ മാസങ്ങളിലെ ഹോം കെയർ നടന്ന ദിവസങ്ങളിലെല്ലാം 270/-രൂപ വെച്ച് ഡീസൽ ചെലവ് ഇനത്തിൽ കണക്കാക്കുകയും തുകകള്‍ പിൻവലിച്ച് മെഡിക്കൽ ഓഫീസർ, പി.എച്ച്.സി.എച്ച്.സി യുടെ HMC അക്കൗണ്ടിലേക്ക് ട്രഷറി ട്രാൻസ്ഫർ ചെയ്യുന്നു. ഡീസൽ വൗച്ചറുകള്‍, Ambulance ലോഗ് ബുക്ക് രേഖപ്പെടുത്തല്‍ എന്നിവ പ്രകാരം 2024-25 വർഷം 32727.75/-രൂപയാണ് diesel ചെലവു വന്നിട്ടള്ളത്. എന്നാല്‍ വികസന ഫണ്ട്, മെയിന്റനൻസ് ഗ്രാൻഡ് (NR) എന്നിവയില്‍ നിന്നും ഡീസൽ ചെലവുകൾക്ക് ട്രാന്‍സ്ഫര്‍ ചെയ്തിട്ടുള്ളത് 61,020/-രൂപയാണ്. ഡീസൽ ചെലവിന് വേണ്ടി HMC അക്കൗണ്ടില്‍ നിന്നും പിന്‍വലിച്ചിട്ടുള്ളത് 32,708/-രൂപ മാത്രമാണ്. പാലിയേറ്റീവ് കെയർ ബില്ലുകളിൽ നിന്ന് 32,708/-രൂപയ്ക്ക് പകരം, 61,020/- രൂപയാണ് HMC യുടെ a/c നം : 45022200063260 ലേക്ക് വിവിധ മാസങ്ങളിലായി ട്രാൻസ്ഫർ ചെയ്തിരിക്കുന്നത്.

ഡീസല്‍ ചെലവ് (ലോഗ് ബുക്ക് പ്രകാരവും എച്ച്.എം.സി ബാങ്ക് സ്റ്റേറ്റ്മെന്റ് പ്രകാരവും)

പാലിയേറ്റീവ് പദ്ധതി പ്രകാരം വികസന ഫണ്ട്, മെയിന്റനൻസ് ഗ്രാൻഡ് (NR) എന്നിവയില്‍ നിന്നും 28,312/-രൂപ അധികം HMC യിലേക്ക് ട്രാൻസ്ഥർ ചെയ്തിട്ടുള്ളത് തിരികെ അടവാക്കേണ്ടതാണ്.

1995-ലെ കേരള പഞ്ചായത്ത് രാജ് (പഞ്ചായത്തിന്റെ യോഗ നടപടിക്രമം) ചട്ടങ്ങളിലെ ചട്ടം 26(8) പ്രകാരം യോഗം കഴിഞ്ഞ് മൂന്നു ദിവസത്തിനകം സെക്രട്ടറി മിനിട്സ് തയ്യാറാക്കി പ്രസിഡന്റിന്റെ അംഗീകാരത്തിനായി സമര്‍പ്പിക്കേണ്ടതുണ്ട്. എന്നാല്‍ ഭരണസമിതിയോഗങ്ങളുടെ നടപടിക്രമങ്ങള്‍ പരിശോധിച്ചതില്‍ മിനിട്സ് തയ്യാറാക്കി പ്രസിഡന്റിന്റെ അംഗീകാരത്തിനായി സമര്‍പ്പിക്കുന്നത്തിൽ സമയപരിധി പാലിക്കുന്നില്ല. ഗുരുതര ചട്ട ലംഘനം നടന്നതായി ഓഡിറ്റ് കണ്ടെത്തുന്നു.
വിശദാംശം ചുവടെ ചേർക്കുന്നു.

മേല്‍ അപാകതയ്ക്ക് വിശദീകരണം ലഭ്യമാക്കേണ്ടതാണ്.
എന്‍ക്വയറി നം. 10/28-7-25
 

മെന്‍സ്ട്രല്‍ കപ്പുകള്‍ നല്‍കുന്നതിലൂടെ വനിതകളുടെ ശുചിത്വവും ആരോഗ്യവും ഉറപ്പാക്കുക എന്ന ലക്ഷ്യം മുന്‍നിര്‍ത്തി ഗ്രാമപ്പഞ്ചായത്ത് ആവിഷ്കരിച്ച് നടപ്പിലാക്കിയ പ്രോജക്ട് പ്രകാരം 2,00,995/-രൂപ ചെലവഴിച്ച് ഹിന്ദുസ്ഥാന്‍ ലൈഫ് കെയര്‍ ലിമിറ്റഡ്, തിരുവനന്തപുരം എന്ന സ്ഥാപനത്തില്‍നിന്നും 299/-രൂപ നിരക്കില്‍ വാങ്ങിയ മെന്‍സ്ട്രുവല്‍ കപ്പുകളില്‍ 257 എണ്ണം നാളിതുവരെ വിതരണം ചെയ്തിട്ടില്ല. ‍

14 വാർഡുകളിലും മെൻസ്ട്രൽ കപ്പ് വിതരണം ചെയ്തിട്ടുള്ളത് നാല് സബ് സെൻറ്ററുകൾ, ഒരു മെയിന്‍ സെന്റര്‍ എന്നിവ മുഖേനയാണ്. സെൻററുകളുടെ വിതരണ രജിസ്റ്റർ പരിശോധിച്ചതിൽ നിന്നും 257 മെൻസ്ട്രൽ കപ്പുകൾ വിതരണം ചെയ്യാതെ അവശേഷിക്കുന്നതായി ബോധ്യപ്പെട്ടു. ഇതിന്റെ വിശദാംശങ്ങൾ ചുവടെ ചേർക്കുന്നു.

ആവശ്യകതയും അനുയോജ്യതയും ഉറപ്പുവരുത്താതെ മെന്‍സ്ട്രല്‍ കപ്പുകള്‍ വാങ്ങി

വ്യക്തിഗത ആവശ്യം പരിഗണിച്ചാണ് മെന്‍സ്ട്രല്‍ കപ്പ് നല്‍കേണ്ടത്. മീഡിയം, സ്മോള്‍ എന്നിങ്ങനെ രണ്ട് അളവുകളില്‍ ഉള്ള കപ്പുകള്‍ ആണ് വാങ്ങിച്ചിട്ടുള്ളത്. ഗുണഭോക്താക്കളില്‍നിന്ന് അപേക്ഷ സ്വീകരിക്കാതെയും അനുയോജ്യത ഉറപ്പുവരുത്താതെയും ആണ് 500 മീഡിയം, 170 സ്മോള്‍ മെന്‍സ്ട്രല്‍ കപ്പുകള്‍ വാങ്ങിയിട്ടുള്ളത്.

ഗുണഭോക്താക്കള്‍ക്ക് പരിശീലനം നല്‍കിയില്ല

മെന്‍സ്ട്രല്‍ കപ്പിന്റെ ഉപയോഗരീതി സംബന്ധിച്ച് ഗുണഭോക്താക്കള്‍ക്ക് പരിശീലനം നല്‍കിയിട്ടില്ല. എച്ച്.എല്‍.എല്‍. മുഖേന ആരോഗ്യ പ്രവര്‍ത്തകര്‍ക്കുള്ള പരിശീലനം മാത്രമാണ് പൂര്‍ത്തിയായിട്ടുള്ളത്.

പദ്ധതി നിര്‍വ്വഹണത്തില്‍ അകാരണമായ കാലതാമസം

​ഏക വര്‍ഷ പ്രോജക്ടിന്റെ നിര്‍വ്വഹണം തന്‍വര്‍ഷം തന്നെ പൂര്‍ത്തീകരിക്കേണ്ടതായിരുന്നു. എന്നാല്‍ യഥാസമയം അപേക്ഷകള്‍ സ്വീകരിച്ച്, കപ്പുകള്‍ വിതരണം ചെയ്യാത്തതിനാല്‍ ഗുണഭോക്താക്കള്‍ക്ക് തന്‍വര്‍ഷം പദ്ധതിയുടെ പ്രയോജനം ലഭിച്ചിട്ടില്ല.

മോണിറ്ററിംഗ് നടത്തിയില്ല

പദ്ധതി നിര്‍വ്വഹണത്തിനുശേഷം ബന്ധപ്പെട്ട വര്‍ക്കിംഗ് ഗ്രൂപ്പുകള്‍ മോണിറ്ററിംഗ് സമിതികളായി പ്രവര്‍ത്തിക്കേണ്ടതാണ്. എന്നാല്‍ മെന്‍സ്ട്രല്‍ കപ്പ് വാങ്ങിയതിനുശേഷം ഇതിന്റെ തുടര്‍ നടപടികള്‍ മോണിറ്ററിംഗിനു വിധേയമാക്കിയിട്ടില്ല. നിര്‍വ്വഹണത്തിലെ അനാസ്ഥയും മോണിറ്ററിംഗിന്റെ അഭാവവും മൂലം പദ്ധതി ലക്ഷ്യം കണ്ടില്ലെന്ന് ഓഡിറ്റ് വിലയിരുത്തുന്നു. ഇക്കാരണത്താല്‍ 257 മെന്‍സ്ട്രുവല്‍ കപ്പുകള്‍ക്ക് ചെലവഴിച്ച 76,843/- രൂപ തടസ്സത്തില്‍ വയ്ക്കുന്നു. എല്ലാ ഗുണഭോക്താക്കള്‍ക്കും ബോധവല്‍ക്കരണം നല്‍കേണ്ടതും മെന്‍സ്ട്രല്‍ കപ്പുകള്‍ വിതരണം നടത്തി, മോണിറ്ററിംഗ് റിപ്പോര്‍ട്ടു സഹിതം മറുപടി ലഭ്യമാക്കേണ്ടതുമാണ്.

പേരയം ഗ്രാമപഞ്ചായത്തില്‍ രണ്ട് എം.സി.എഫുകള്‍ ആണുള്ളത്. രണ്ടിലും മാലിന്യ നിര്‍മ്മാര്‍ജ്ജന പ്രവര്‍ത്തനങ്ങള്‍ നടക്കുന്നില്ല. പേരയം MCF കെട്ടിടം പൂര്‍ണ്ണമായി കത്തി നശിച്ചതിനാല്‍ മാലിന്യങ്ങള്‍ അലക്ഷ്യമായി ഇട്ടിരിക്കുകയാണ്.




                   
         പടപ്പക്കര MCF                                                                         പേരയം MCF


ഇവിടെ 17-01-2025 ന് തീപിടുത്തം ഉണ്ടായ സാഹചര്യത്തിൽ MCF കളില്‍ മതിയായ ഓട്ടോമാറ്റിക്ക് ഫയർ എക്സിംഗ്വിഷർ സ്ഥാപിച്ചിട്ടില്ലെന്ന് 26-7-2025 ലെ സ്ഥല പരിശോധനയില്‍ ബോധ്യപ്പെട്ടു. നിരീക്ഷണ ക്യാമറകളും സ്ഥാപിച്ചിട്ടില്ല. തീപിടുത്തം ഉണ്ടായ MCF ല്‍ ബെയിലിംഗ്, ഗ്രൈന്‍ഡിംഗ് മെഷീനുകള്‍ പ്രവര്‍ത്തന രഹിതമായി നശിച്ച അവസ്ഥയിലാണ്. പടപ്പക്കര MCF കെട്ടിടത്തിന് പുറത്ത് മാലിന്യങ്ങള്‍ കൂട്ടിയിട്ടിരിക്കുകയാണ്. ഇവിടെ നിരീക്ഷണ ക്യാമറകൾ സ്ഥാപിച്ചിട്ടുണ്ടങ്കിലും പ്രവര്‍ത്തന സജ്ജമാണെന്നതില്‍ വ്യക്തതയില്ല. പടപ്പക്കര MCF ല്‍ സ്ഥാപിച്ചിട്ടുള്ള നിരീക്ഷണ ക്യാമറകളില്‍ ചിലത് നഷ്ടപ്പെട്ടിട്ടുണ്ട് . മാലിന്യ സംസ്ക്കരണ പ്രവത്തനങ്ങള്‍ തടസ്സം കൂടാതെ നടത്തുന്നതിനായി പേരയം എം.സി.എഫ് കെട്ടിടം അടിയന്തിരമായി വയറിംഗ് ചെയ്ത് വൈദ്യുതി കണക്ഷന്‍ പുനസ്ഥാപിക്കേണ്ടത് അത്യാവശ്യമാണ്. 2024-25 വാര്‍ഷിക പദ്ധതി ഭേദഗതിയിൽ എം.സി.എഫ് കെട്ടിടത്തിലെ വയറിംഗ് നടത്തുന്നതിനായി ഫണ്ട്‌ വകയിരുത്തുന്നതിന് സെക്രട്ടറിയെ ചുമതലപ്പെടുത്തിയിരുന്നങ്കിലും 2024-25-ല്‍ പദ്ധതി നടപ്പിലായിട്ടില്ല.

2022-23 മുതല്‍ 2024-25 വരെയുള്ള സാമ്പത്തിക വര്‍ഷങ്ങളിലായി ഗ്രാമപഞ്ചായത്തിന് ലഭിച്ചതും ചെലവഴിച്ചതുമായ ഹെല്‍ത്ത് ഗ്രാന്റിന്റെ വിവരങ്ങള്‍ ചുവടെ ചേര്‍ക്കുന്നു.

Support for Diagnostic Infrastructure എന്ന ഇനത്തില്‍ നല്‍കിയ തുക ഉപയോഗിച്ച് സ്കീം-3 പ്രകാരമുള്ള പ്രവര്‍ത്തനങ്ങള്‍ക്കായി നാളിതു വരെ ചെലവഴിച്ച തുകകളുടെ വിവരം.

Grant for Rural Health & wellness centres എന്ന ഇനത്തില്‍ ലഭിച്ച ഗ്രാന്റുപയോഗിച്ച്‍ ചെലവഴിച്ച തുകയുടെ വിശദാംശങ്ങള്‍

കേരളത്തിലെ ഗ്രാമപഞ്ചായത്തുകളിലെ എല്ലാ വീടുകളിലും 2024 നുള്ളില്‍ പ്രവര്‍ത്തനക്ഷമമായ ടാപ്പ്‌ കണക്ഷനുകള്‍ ലഭ്യമാക്കുക, വിദ്യാലയങ്ങള്‍, അങ്കണവാടികള്‍, ആരോഗ്യ കേന്ദ്രങ്ങള്‍, പൊതു കെട്ടിടങ്ങള്‍, ഓഫീസുകള്‍ എന്നിവിടങ്ങളില്‍ പ്രവര്‍ത്തിക്കുന്ന ടാപ്പുകള്‍ നല്‍കുക തുടങ്ങിയവയാണ്‌ ജല്‍ജീവന്‍ മിഷന്റെ പ്രധാന ദൗത്യങ്ങള്‍. കേന്ദ്രസര്‍ക്കാര്‍ മാര്‍ഗ്ഗനിര്‍ദ്ദേശമനുസരിച്ച്‌ പദ്ധതിക്കുള്ള കേന്ദ്ര-സംസ്ഥാനവിഹിതം 50:50 എന്ന അനുപാതത്തിലാണ്‌. ഗ്രാമപഞ്ചായത്തില്‍ നിന്നും ലഭ്യമാക്കിയ വിവരങ്ങൾ പരിശോധിച്ചതിൽ ജല്‍ജീവൻ മിഷന്‍ പദ്ധതി വിഹിതമായി ഗ്രാമപഞ്ചായത്തിന്റെ ആക്ഷന്‍ പ്ലാന്‍ പ്രകാരം ഒടുക്കേണ്ട 15% സ്ഥാപനവിഹിതവും 10% ഗുണഭോക്തൃവിഹിതവും ഗ്രാമപഞ്ചായത്ത്‌ 2020-21 മുതൽ തൻവർഷം വരെ ഒടുക്കിയിട്ടില്ല. 2021-22 സാമ്പത്തിക വര്‍ഷം മുതല്‍ തന്‍വര്‍ഷം വരെ പ്രോജക്ടുകള്‍ വിഭാവനം ചെയ്തിരുന്നെങ്കിലും നാളിതുവരെ ഗുണഭോക്തൃവിഹിതം പിരിച്ചടുക്കുകയോ തുക ചെലവഴിക്കുകയോ ചെയ്തിട്ടില്ല.

കൂടാതെ എം.എല്‍.എ. യുടെ നിയോജക മണ്ഡല ആസ്തി വികസന ഫണ്ടില്‍ നിന്നും ജല്‍ജീവൻ മിഷൻ പദ്ധതിയ്ക്കായി തുക ചെലവഴിച്ചിട്ടില്ല.
ഓഡിറ്റ് എന്‍ക്വയറി നം. 2/19.07.25

ഭാഗം -2
വരവ്-വ്യക്തമായ നഷ്ടം പ്രതിപാദിക്കുന്ന ഓഡിറ്റ് നിരീക്ഷണങ്ങള്‍
[KLFA Act 1994 സെക്ഷന്‍ 16,KLFA Rules 1996 ചട്ടം 19(1) പ്രകാരമുളള ഓഡിറ്റ് റിപ്പോര്‍ട്ടിന്റെ പ്രത്യേക ഭാഗം‍]
 

ഇല്ല.

ഭാഗം -3
ചെലവ്-വ്യക്തമായ നഷ്ടം പ്രതിപാദിക്കുന്ന ഓഡിറ്റ് നിരീക്ഷണങ്ങള്‍
[KLFA Act 1994 സെക്ഷന്‍ 16,KLFA Rules 1996 ചട്ടം 19(2) പ്രകാരമുളള ഓഡിറ്റ് റിപ്പോര്‍ട്ടിന്റെ പ്രത്യേക ഭാഗം‍]
 

ഇല്ല.

1. മെഡിസെപ്പ് പ്രീമിയം ഒടുക്ക് (റഗുലര്‍ ജീവനക്കാര്‍)

(1-4-2024 മുതല്‍ 31-3-2025നുളളില്‍ സര്‍വീസില്‍ പ്രവേശിച്ചിട്ടുളളവര്‍ ഒഴികെ)

2. മെഡിസെപ്പ് പ്രീമിയം ഒടുക്ക് (1-4-24മുതല്‍ 30-6-24-നുളളില്‍ സര്‍വീസില്‍ പ്രവേശിച്ചിട്ടുളള റഗുലര്‍ ജീവനക്കാര്‍)

3. മെഡിസെപ്പ് പ്രീമിയം ഒടുക്ക്(1/7/24മുതല്‍ സര്‍വീസില്‍ പ്രവേശിച്ചിട്ടുളള റഗുലര്‍ ജീവനക്കാര്‍)

4. മെഡിസെപ്പ് പ്രീമിയം ഒടുക്ക് (1/8/24മുതല്‍ 31/3/25നുളളില്‍ സര്‍വീസില്‍ പ്രവേശിച്ചിട്ടുളള റഗുലര്‍ ജീവനക്കാര്‍)

ഓഡിറ്റ് വര്‍ഷം പഞ്ചായത്തിന് വായ്പയിനത്തില്‍ 14,64,722/-രൂപ വരവുണ്ട്. മുന്‍ബാക്കി 7,70,683/-രൂപയടക്കം 22,35,405/-രൂപയിൽ 18,47,440/-രൂപ വിനിയോഗിച്ചിട്ടുണ്ട്. വായ്പ തിരിച്ചടച്ചതിന്റെയും, വര്‍ഷാവസാനം തിരിച്ചടയ്ക്കാന്‍ അവേശഷിക്കുന്ന വായ്പ തുകയുടെയും വിശദവിവരം താഴെ കൊടുക്കുന്നു.

ഓഡിറ്റ് റിക്കവറിയിനത്തില്‍ തന്‍വര്‍ഷം ലഭിച്ച 10,328/- രൂപയുടെ വിശദാംശങ്ങള്‍

പഞ്ചായത്തിലെ മുന്‍വര്‍ഷ ഓഡിറ്റ് റിപ്പോര്‍ട്ടുകളില്‍ കേരള ലോക്കല്‍ ഫണ്ട് ഓഡിറ്റ് നിയമം 23-ാം വകുപ്പ് പ്രകാരമുള്ള സമാഹൃത റിപ്പോര്‍ട്ടില്‍ ഉള്‍പ്പെട്ട ഖണ്ഡികകളില്‍ തീര്‍പ്പാക്കാന്‍ അവശേഷിക്കുന്നവയുടെ വിശദാംശങ്ങള്‍ താഴെ കൊടുക്കുന്നു.

(എ) പേരയം ഗ്രാമപഞ്ചായത്ത് ഫണ്ടിനുണ്ടായ വ്യക്തമായ നഷ്ടത്തിന്റെ വിവരം
ഇല്ല

(ബി) ഓഡിറ്റില്‍ തടസ്സപ്പെടുത്തിയ തുക

(സി) കേന്ദ്ര-സംസ്ഥാന സര്‍ക്കാരുകള്‍, മറ്റു സ്ഥാപനങ്ങള്‍ എന്നിവക്കുണ്ടായ നഷ്ടത്തിന്റെ വിവരം
ഇല്ല
(ഡി) നഷ്ടം നിജപ്പെടുത്താന്‍ കൂടുതല്‍ അന്വേഷണം ആവശ്യമായവ
ഖണ്ഡിക 1-12 , 1-13

(ഇ) റിപ്പോര്‍ട്ടില്‍ പ്രതിപാദിച്ചിരിക്കുന്ന നഷ്ടത്തിന് / തടസ്സത്തിന് ഉത്തരവാദികളായവരുടെ പേരും സ്ഥിരം മേല്‍വിലാസവും

ഡെപ്യൂട്ടി ഡയറക്ടര്‍
ജില്ലാ ഓഡിറ്റ് കാര്യാലയം, കൊല്ലം
കേരള സംസ്ഥാന ഓഡിറ്റ് വകുപ്പ്.

ഡെപ്യൂട്ടി ഡയറക്ടര്‍

ജില്ലാ ഓഡിറ്റ് കാര്യാലയം, കൊല്ലം

കേരള സംസ്ഥാന ഓഡിറ്റ് വകുപ്പ്